Tradución ao galego dun pequeno comunicado do taller de auto-reparación de bicicletas do Ministère de la régularisation de tous les sans papiers  nas datas previas á Vélorution Universelle de 2010.  O irónicamente chamado Ministère é un edificio okupado e autoxestionado por máis de milleiro e medio de persoas sen papeis en París.

Problemas globais? Respostas locais!
Ministère de la régularisation de tous les sans papiers.

Os sistemas económicos, sociais e políticos que contribúen ao cambio climático e á polución das nosas cidades son a orixe de moitas migracións do Sur ao Norte. Os países industrializados e as multinacionais desempeñan un rol preponderante na imposición de reximes políticos en moitos dos países de emigración. Xs migrantes veñen na busca dun ideal, cando non fuxindo da guerra, as dictaduras e a pobreza.

As transnacionais do automóbil e do petróleo están ao mando do cambio climático e da economía globalizada. Entre as vinte empresas máis grandes do mundo, atopamos a seis frabricantes de automóbiles (Chevron, General Motors, Toyota, Daimler Chrysler, Ford e Volkswagen) e cinco compañías petroleiras (Exxon, Royal Dutch Shell, BP, Total e Sinopec). No 2008 fabricáronse máis de setenta millóns de coches. O parque móbil global representa máis de mil douscentos millóns de coches. O transporte por estrada combustíu máis de dous mil millóns de toneladas de petróleo no 2008, que foron así transformadas en seis mil duascentas toneladas de CO2.

As industrias do automóbil e do petróleo extraen os recursos naturais despreciando aos pobos do Sur. Para moitas persoas a migración é unha resposta a estas situacións que se van agravando co cambio climático. A migración é motivada pola esperanza de apoiar ás familias no país de orixe. Xera unhas remesas financieiras tres veces maiores que a axuda pública ao desenvolvemento; desviada do seu obxectivo polos dirixentes, do Norte coma do Sur, a medida que a van transferindo.

Para limitar o incremento das temperaturas por debaixo de 2ºC, os países industrializados deberían comprometerse a reducir as súas emisións de gases de efecto invernadoiro, de aquí a 2020, en polo menos un 40% con respecto ás de 1990. E favorecer ao mesmo tempo un desenvolvemento sustentable nos países do Sur. Tralo fracaso de Copenhague, onde os estados non foron quen de comprometerse para respostar a esta emerxencia climática, temos que actuar localmente, de inmediato e polos nosos propios medios.

Cando algúns queren manter unha orde establecida polas xeracións pasadas sobre a pillaxe e o despilfarro, nós animamos ás xeracións presentes e futuras a construír un mundo de solidariedade e moderación. A reciclar no Ministère de la régularisation de tous les sans papiers.

Producir vehículos eléctricos e restrinxir as migracións non son solucións válidas para os males do noso mundo. En Francia, a cuarta parte do combustible consúmese en desprazamentos de menos de tres quilómetros. A vi(ll)e [a vida e a cidade], non sería máis fermosa en bici? A diferencia do coche, canto máis se usan as bicicletas máis agradable é desprazarse polas rúas.

Entón, quen quere ser x primeirx en mudarse de medio de transporte?

Ven a reciclar bicicletas connosco! Aporta ferramentas, bicis, rodas ou calquera peza que non uses!

Viva a liberdade de movemento… en bici!

Viva a Vélorution Universelle!

Fonte:  http://velorution.org/articles/824.html