Cursiño de mecánica da bicicleta: repetimos sesión de freos.

Este xoves 18 a partir das 18:00h, no local de reCiclos (Fórum Propolis, r/Barcelona 115 souto), aprende a instalar e reparar os freos da bicicleta.

Nesta sesión abarcaremos os coñecidos como freos de aro, que funcionan actuando sobre o aro da roda e son os máis extendidos na actualidade xunto aos de disco, que agardamos tratar noutra sesión. Isto comprende freos de tensado lateral (tamén chamados “de estrada”), cantilever e V-brake.

A participación é aberta e de balde.