You are currently browsing the tag archive for the ‘Ted White’ tag.
Vai para vinte anos, en setembro do 92 tras un visionado de Return of the Scorcher (1992), un grupo activista da cidade de San Francisco toma do documental do propio White o nome de Masa Crítica para a práctica de paseos ciclistas mensuais na que comezaran a traballar pouco tempo antes. Aínda que tamén dea conta da rápida internacionalización do movemento político, We are traffic! está centrada nesta experiencia californiana da que agroma un conxunto táctico que -con pequenas diferencias en cada localización singular- é o blandido en centos de cidades; unha zona autónoma temporal e festiva que circula resignificando as bicicletas e os espacios públicos baixo o dominio das políticas do todo para o coche privado. A máis, é en San Francisco onde se dá a máis disparatada intervención para controlar a Masa Crítica desde os poderes públicos, que titubean entre a disuasión e a patrimonialización, e que desencadeará os disturbios de xullo do 97.
En Return of the Scorcher quixen combinar a historia radical da bicicleta co seu emerxente renacimento nun contexto de crises medioambientais e sociais.
Ted White.
De cómo Scorcher deu nome ao movemento Masa Crítica:
George Bliss i eu fomos a China a investigar a escea ciclista alí e facer algunha filmación. Na película George describía o fluxo das bicis e o tráfico motorizado nas cidades chinesas como “unha cuestión de masa crítica”, na que “as bicis achéganse ás interseccións [sen semáforos] e agardan ata reunir a un número suficiente para sair e impoñerse aos coches, facéndoos deterse, e viceversa”.
Return of the Scorcher fíxose pública no momento e o lugar máis certeiros -verán de 1992 en San Francisco-, e ante o público máis oportuno. […] Aquela esceda de “masa crítica” en China realmente conectou coa xente e, nun par de meses, o que comezara como “Coágulo de Ciclistas Urbanos” (Commute Clot), pasou a chamarse “Masa Crítica”.
Extracto de: White, Ted, “Reel on Wheels” en Carlsson, Chris, Critical Mass, Bicyclingn’s Defiant Celebration, AK Press, Oakland, 2002.
Velosofía 