You are currently browsing the tag archive for the ‘ciclotalleres’ tag.
Este venres, como cada derradeiro do mes, toca Masa Crítica en Vigo. A pedalada sae ás 20:00h da Praza América e para o día seguinte, sábado 28, maseir@s locais organizan coa colaboración de reCiclos un cursiño básico de ergonomía, mantemento e pequenas reparacións da bicicleta. Terá lugar ás 11:00h no local Amalgama (Marqués de Valterra 5, Baixo), onde están a crear un ciclotaller autoxestionado. Non é necesaria a inscripción.
Preme aquí para descargar o flyer da convocatoria.
Cansas de que lles quiten das mans as ferramentas dos talleres DIY (faino ti mesmx) e ser tratadas como obxectos sexuais na escea ciclista, Laila Davis e Alicia Dvorak realizan Dudey Free Zone, un documental de 26 minutos sobre as sesións só de mulleres, transexuais e persoas queer en varios talleres comunitarios en Estados Unidos. «Centrámonos nestes espazos porque é onde se atopa a maioría da nosa experiencia, e onde as cuestións en torno ao xénero e as bicicletas se debaten máis acaloradamente debido á súa natureza colectiva e democrática. Pero tamén queriamos facer un filme que fora relevante para quenes traballen ou sexan clientes nos talleres comerciais, onde moitas veces hai pouca consciencia do sexismo aínda predominante na cultura ciclista».
Máis información en http://dudeyfreezone.wordpress.com/
O tema dos créditos é Somewhere You Didn’t Know de Alas, Alas.
Para contactar coa Ciclofactoría podedes escribirnos ao enderezo de reCiclos: porpropolis@gmail.com
E pódese consultar toda a programación do centro social en http://okupacorunha.wordpress.com/
Nun ambiente celebrativo e formativo, a finais do pasado xullo tivo lugar nun pequeno pobo austríaco a primeira edición do Cyclocamp, un festival Do It Yourself (faino ti mesmx) de carácter transnacional -na práctica fundamentalmente europeo- en torno á creatividade político-cultural do activismo ciclista que reuniu a cerca de duascentas persoas de máis dunha trintena de proxectos diferentes.
O Cyclocamp revelouse como un encontro sen par a esta beira do Atlántico -en Norteamérica existe o homólogo BikeBike!– debido á confluencia de activistas de moitos países diferentes e o seu carácter decididamente comunicacional e reflexivo. Sen disquisicións teoréticas moi elaboradas nin moita amplitude de observación (levarían máis tempo do que agora dispoño e máis traballo do que levo feito), neste post comparto as notas tomadas durante a semana que durou o festival e pouco máis. Ler o resto desta entrada »
O taller de bicis do CSOA Casa do Vento, de Compostela, comeza mañá a celebrar sesións de autorreparación abertas a calquera persoa interesada en reciclar e repararse a súa bicicleta ou axudar a outrxs a facelo.
En adiante, estas sesións terán lugar cada segundo e derradeiro mércores de mes, en horario de 17:00 a 21:00h na primeira data e pechando ás 20:15h na segunda para non perderse a Masa Crítica local.
A Casa do Vento atópase no nº15 do Rueiro das Figueiriñas.
A vindeira fin de semana celébrase na Coruña o Hackmeeting 2011, no que introducimos un nodo permanente de ciclohacking.
Para ben ou para mal, non se tratará tanto dun obradoiro impartido por experto algún como dun proceso de formación autodidacta en curso. Trataremos de pór en práctica un hack sobre o que levamos investigando desde o Cyclocamp: construír bicis de carga a partir de cadros convencionais reciclados. Tamén participarán neste nodo hacktivistas chegadxs de fóra construíndo un xerador eléctrico a pedais.
Se queres realizar algún proxecto no nodo de ciclohacking do HM2011 escríbenos a porpropolis[arroba]gmail[punto]com
Trátase tamén da posta en marcha dun novo proxecto: unha ciclofactoría autoxestionada no CSOA Palavea. Esta non será un taller de autoreparación como reCiclos, que seguirá a funcionar, senón un estudio-factoría onde reconfigurar cadros reciclados. Agora mesmo o que nos motiva é crear unha cultura potente de ciclismo utilitario na cidade fabricando cargo bikes e remolques, que ademais cubrirían necesidades loxísticas dos movementos sociais, mais o proxecto está aberto e considera outras propostas como tall-bikes, tándems, reclinadas, etc.
Para máis información e participación, existe un fío temático no foro do movemento Masa Crítica en Galiza.
Esta fin de semana estaremos en Compostela apoiando o proxecto de cilotaller do CSOA Casa do Vento.
Venres 14 a partir das 19:00h | charla-presentación “O movemento dos ciclotalleres autoxestionados en Europa e a experiencia reCiclos”.
Sábado 15 e domingo 16 a partir das 11:00h | Cursiño de mecánica da bici. Cursiño completo pensado para xs voluntarixs do ciclotaller da Casa do Vento e aberto a calquera persoa interesada.
A Casa do Vento atópase no nº 15 do Rueiro das Figueiriñas.
Rumbo ao Cyclocamp. Eis unha achega fílmica á Vienna Bikekitchen, un dos ciclotalleres locais.
Traducción da invitación que nos extenderon a reCiclos fundida con outros textos do Cyclocamp 2011.
Ola bicifreaks e biciamigxs,
en Austria somos agora mesmo tres as ciclocociñas que proporcionamos un acceso non comercial a ferramentas e coñecementos para a autorreparación e construcción de bicicletas. Tamén para divertirse cociñando e vivindo alternativas a este non moi bo mundo noso. Nós, as ciclocociñas de Vienna, Linz e Graz, estamos planeando un festival Do It Yourself entorno aos talleres de autoreparación; con diferentes actividades coas bicis, proxeccións, discusións e con boas e alegres persoas. Convidámosvos a unirvos e participar.
CYCLOCAMP 2011.
Biciklo kolektivo festivalo.
Encontro transnacional de ciclocociñas DIY.
O Cyclocamp debe facilitar aos talleres DIY de reparación de bicicletas unha oportunidade de reflexionar sobre si mesmos, aprendendo doutros talleres e divertíndose. Ler o resto desta entrada »
Tradución ao galego dun pequeno comunicado do taller de auto-reparación de bicicletas do Ministère de la régularisation de tous les sans papiers nas datas previas á Vélorution Universelle de 2010. O irónicamente chamado Ministère é un edificio okupado e autoxestionado por máis de milleiro e medio de persoas sen papeis en París.
Problemas globais? Respostas locais!
Ministère de la régularisation de tous les sans papiers.
Os sistemas económicos, sociais e políticos que contribúen ao cambio climático e á polución das nosas cidades son a orixe de moitas migracións do Sur ao Norte. Os países industrializados e as multinacionais desempeñan un rol preponderante na imposición de reximes políticos en moitos dos países de emigración. Xs migrantes veñen na busca dun ideal, cando non fuxindo da guerra, as dictaduras e a pobreza. Ler o resto desta entrada »
Velosofía 
