You are currently browsing the tag archive for the ‘DIY’ tag.
Dez anos despois de ser desaloxado en medio da remodelación do barrio madrileño da Ventilla, o taller de Higinio Domingo Perucha volve estar baixo ameaza. O colectivo Dentera lanzou nas pasadas semanas unha campaña de crowfunding para financiar, ademais da defensa legal, un proxecto documental co que denunciar un segundo proceso de desaloxo, novamente vencellado á especulación inmobiliaria, e profundizar na vida e obra do mestre. Perucha, matriceiro e artesán da bicicleta, é unha figura heterodoxa no ciclismo. Ex-corredor e técnico campión, vencellado ao deporte corporativo, desenvolve non obstante un traballo no seu taller que reinventa os modos de participación e organización social en torno a unha tecnoloxía globalizada.
Obradoiro de ergonomía, mantemento e reparacións básicas da bicicleta.
Martes 18 de nadal, desde as 17:00h na nova cafetaría do CSOA Palavea.
r/Río Quintas 31.
Liñas de bus: 1A, 20 e 22.
http://okupacorunha.wordpress.com
A bicicleta é crecentemente empregada nas nosas cidades e vilas como resposta directa aos problemas materiais e inmateriais que presenta o sistema automobilístico. Neste obradoiro ocuparémonos dalgúns aspectos técnicos desta encantadora maquinaria: o regulamento, o coidado e as reparacións básicas das nosas monturas, que requiren un xogo de coñecementos bastante simples e, sen embargo, cruciais para facer delas un medio de transporte máis eficaz, fiable e agradable.
A participación é aberta e de balde, e non son precisos coñecementos previos de mecánica para a aprendizaxe.
Despois do obradoiro haberá unha sesión de auto-reparación, con ferramentas a disposición de quen queira arranxar a súa bici ou axudar a outras persoas a facelo.
Horarios:
> 17:00 – 18:00h: Ergonomía e mantemento.
> 18:00 – 18:10h: Descanso.
> 18:10 – 20:00h: Reparacións básicas.
> 20:00 – 22:00h: Sesión de auto-reparación.
Nun ambiente celebrativo e formativo, a finais do pasado xullo tivo lugar nun pequeno pobo austríaco a primeira edición do Cyclocamp, un festival Do It Yourself (faino ti mesmx) de carácter transnacional -na práctica fundamentalmente europeo- en torno á creatividade político-cultural do activismo ciclista que reuniu a cerca de duascentas persoas de máis dunha trintena de proxectos diferentes.
O Cyclocamp revelouse como un encontro sen par a esta beira do Atlántico -en Norteamérica existe o homólogo BikeBike!– debido á confluencia de activistas de moitos países diferentes e o seu carácter decididamente comunicacional e reflexivo. Sen disquisicións teoréticas moi elaboradas nin moita amplitude de observación (levarían máis tempo do que agora dispoño e máis traballo do que levo feito), neste post comparto as notas tomadas durante a semana que durou o festival e pouco máis. Ler o resto desta entrada »
A vindeira fin de semana celébrase na Coruña o Hackmeeting 2011, no que introducimos un nodo permanente de ciclohacking.
Para ben ou para mal, non se tratará tanto dun obradoiro impartido por experto algún como dun proceso de formación autodidacta en curso. Trataremos de pór en práctica un hack sobre o que levamos investigando desde o Cyclocamp: construír bicis de carga a partir de cadros convencionais reciclados. Tamén participarán neste nodo hacktivistas chegadxs de fóra construíndo un xerador eléctrico a pedais.
Se queres realizar algún proxecto no nodo de ciclohacking do HM2011 escríbenos a porpropolis[arroba]gmail[punto]com
Trátase tamén da posta en marcha dun novo proxecto: unha ciclofactoría autoxestionada no CSOA Palavea. Esta non será un taller de autoreparación como reCiclos, que seguirá a funcionar, senón un estudio-factoría onde reconfigurar cadros reciclados. Agora mesmo o que nos motiva é crear unha cultura potente de ciclismo utilitario na cidade fabricando cargo bikes e remolques, que ademais cubrirían necesidades loxísticas dos movementos sociais, mais o proxecto está aberto e considera outras propostas como tall-bikes, tándems, reclinadas, etc.
Para máis información e participación, existe un fío temático no foro do movemento Masa Crítica en Galiza.
Este xoves 18 a partir das 18:00h, no local de reCiclos (Fórum Propolis, r/Barcelona 115 souto), aprende a instalar e reparar os freos da bicicleta.
Nesta sesión abarcaremos os coñecidos como freos de aro, que funcionan actuando sobre o aro da roda e son os máis extendidos na actualidade xunto aos de disco, que agardamos tratar noutra sesión. Isto comprende freos de tensado lateral (tamén chamados “de estrada”), cantilever e V-brake.
A participación é aberta e de balde.
Esta semana temos dobre sesión do cursiño de mecánica da bicicleta.
O martes a partir das 20:00h cambios, e o xoves a partir das 18:00h pedalieres. Ambas sesións terán lugar no local de reCiclos (Fórum Propolis, r/Barcelona 115 souto).
A participación é aberta e de balde.
Este xoves 14 a partir das 18:00h, no local de reCiclos (Fórum Propolis, r/Barcelona 115 souto), aprende a instalar e axustar a dirección da bicicleta.
Se ben a dirección da bicicleta ten unha aparencia de tecnoloxía bastante esotérica, é máis simple ca os freos, tratados na primeira sesión. Nesta segunda abarcaremos os dous tipos de dirección máis comúns na actualidade; os xogos de dirección con rosca e os sen rosca (máis coñecidos polo seu nome en inglés, ahead set).
A participación é aberta e de balde.
Este xoves 7 a partir das 18:00h, no local de reCiclos (Fórum Propolis, r/Barcelona 115 souto), aprende a instalar e reparar os freos da bicicleta.
Nesta sesión abarcaremos os coñecidos como freos de aro, que funcionan actuando sobre o aro da roda e son os máis extendidos na actualidade xunto aos de disco, que agardamos tratar noutra sesión. Isto comprende freos de tensado lateral (tamén chamados “de estrada”), cantilever e V-brake.
A participación é aberta e de balde.
Para quen non os identifique, os ganchos son protectores de desviador de cambio traseiro; unha peza que ten máis de desperdicio ca de compoñente de bicicleta −debido a que presenta máis inconvintes ca melloras, case sempre acaba no lixo das tendas cando montan a bici para venda.
Pódese traballar en versións máis logradas, pero basta con unilos con tirafondos a un listón para reciclalos nun colgadoiro para roupa como o da foto.
Ideado por Bruji, fixemos falla cinco para construílo.
Traducción da invitación que nos extenderon a reCiclos fundida con outros textos do Cyclocamp 2011.
Ola bicifreaks e biciamigxs,
en Austria somos agora mesmo tres as ciclocociñas que proporcionamos un acceso non comercial a ferramentas e coñecementos para a autorreparación e construcción de bicicletas. Tamén para divertirse cociñando e vivindo alternativas a este non moi bo mundo noso. Nós, as ciclocociñas de Vienna, Linz e Graz, estamos planeando un festival Do It Yourself entorno aos talleres de autoreparación; con diferentes actividades coas bicis, proxeccións, discusións e con boas e alegres persoas. Convidámosvos a unirvos e participar.
CYCLOCAMP 2011.
Biciklo kolektivo festivalo.
Encontro transnacional de ciclocociñas DIY.
O Cyclocamp debe facilitar aos talleres DIY de reparación de bicicletas unha oportunidade de reflexionar sobre si mesmos, aprendendo doutros talleres e divertíndose. Ler o resto desta entrada »
Velosofía 
